Un
ano máis, adicamos este 24 de Febreiro a Rosalía de Castro, neste curso
coincidindo ademais co 180 aniversario do seu nacemento.
Nesta
data tan significativa para tódolos amantes da nosa lingua, dende Biblioraíces
levamos a cabo diferentes iniciativas en colaboración cos diferentes
departamentos.
O
Departamento de Dinamización Lingüística recolleu a nosa proposta de traballar
as paisaxes da Costa de Morte na obra de Rosalía, a partir da novela A filla do mar ou algún outro texto da
propia Rosalía e outros autores. A
citada novela, como sabedes, está ambientada en Muxía e na súa contorna, onde
Rosalía residíu unha temporada. O
resultado é unha interesante presentación Powerpoint que se proxectará o día 24
na pantalla da entrada e se expoñerá como murais no corredor da Biblioteca, nun
traballo en onde se mixturan a imaxe coa literatura dunha forma moi
evocadora. Podedes vela máis abaixo.
Por
outra banda, en colaboración co Departamento de Música, fíxose un mural titulado
"As músicas de Rosalía", recollendo algunhas das partituras e
grabacións inspiradas polos textos da autora padronesa. As obras de Juan Montes e os discos de
Amancio Prada son protagonistas da presentación que se pode ver na Carteleira
da Biblioteca na entrada do centro.
Aquí vemos a nosa alumna Paula de 2º ESO rematando o mural
.
Aquí vemos a nosa alumna Paula de 2º ESO rematando o mural
Así
mesmo, o Club de Lectura esforzouse en recopilar a obra rosaliana da nosa
biblioteca amosándoa nos expositores ao carón da carteleira.
No hay comentarios:
Publicar un comentario